افتح قلبك

هل بتحسي إن نفس نوعية الناس ونفس نوعية العلاقات بتتكرر في حياتك كأنه سيناريو فيلم وبيتعاد كل شوية بممثلين مختلفين؟ كل مرة بتحاولي تختاري صح وبرضه بتقعي في فخ الشخصيات التوكسيك؟! في الحلقة دي من بودكاست افتح قلبك بنتكلم عن سبب تكرار العلاقات الغلط، وإزاي جروح الطفولة والـ Inner Child ممكن تكون هي اللي بتتحكم في اختياراتك من غير ما تحسي. هتتعرفي في الحلقة على: لعنة المألوف: ليه عقلنا بيطارد "الوجع" اللي اتعود عليه في طفولته؟ جروح الطفولة الخمسة: إزاي الرفض، الإهمال، أو غياب الأمان بيخلوكي تختاري غلط النهاردة. فخ الـ Red Flags: ليه بنغمي عينينا عن العلامات الحمراء من أول يوم؟ تمرين الطفلة الداخلية: خطوات عملية للتواصل مع الـ (Inner Child) وبداية رحلة التشافي. سؤال التشافي: إزاي تعرفي الشخص ده طاقة من الماضي ولا طاقة للمستقبل؟ الحلقة دي هتساعدك تخرجي بره دور الضحية، وتبطلي تلومي نفسك، وتفهمي نفسك بوعي أكبر يساعدك تكسري دايرة العلاقات التوكسيك اللي بتمري بها وتفهمي أصل المشكلة فين الحلقة دي ممكن تكون أول خطوة تغيير حقيقية ليكِ

دايماً حاسة إنك مضغوطة وأي غلطة صغيرة من ولادك بتخليكي تنهاري وتنفجري؟ عمرك فكرتي إن عصبيتك دي ممكن تبقى جروح طفولتك اللي لسه متشافتش؟ في الحلقة دي من بودكاست #افتح_قلبك، بنستضيف ياسمين عمرو (Parenting Coach) عشان نجاوب على السؤال الأهم: نبتدي من الطفل ولا من الأم؟ في الحلقة دي هتتعلمي: ليه الصحة النفسية للأم أساس التربية الإيجابية إزاي جروح الطفولة بتظهر في عصبية الأم وتعاملها مع ولادها؟ إيه اللي بيحصل في مخ الطفل وقت نوبات الغضب (Tantrums) قاعدة ذهبية في التربية: ليه لازم نحضن الطفل وهو غلطان؟ إزاي نربي أطفال واثقين بدون خوف من الفشل إزاي تتعاملي مع شريك حياتك لو رافض أسلوبك في التربية؟ الحلقة دي مهمة لكل أم بتعاني من العصبية، ولكل ست مهتمة بـ التربية الإيجابية، ولكل أم عايزة تربي أطفال أصحاء نفسيًا ومتوازنين. ابنك مش محتاج أم مثالية، لكن محتاج أم فاهمة نفسها ومرتاحة 

بعد الانفصال أو أي تجربة مؤذية، ممكن تحسي إنك واقفة مكانك ومش قادرة تمشي لقدام وكأن الدنيا انتهت، الحلقة دي من بودكاست "افتح قلبك" هتساعدك ترجعي لنفسك من تاني، وتفهمي جذور مشاعرك، وتتعلمي أدوات عملية هتساعدك في رحلتك للتشافي من جروح الطفولة بعد الانفصال. في الحلقة دي هنتكلم عن:

 ليه بنقف بعد الانفصال، ومبنقدرش نكمل؟ (السر وراء التعلق العاطفي).

إيه علاقة جرح الطفولة باختياراتنا الغلط في العلاقات التوكسيك؟

 ليه بننجذب لنفس الشخصية اللي بتوجعنا، وبنكرر نفس العلاقة؟

ازاي نرجع للطفلة اللي جوانا ونتواصل معاها؟

أدوات عملية للتصالح مع النفس

هل جروح الطفولة لسه مأثرة على حياتك وإنتِ كبيرة؟ ليه بنقع في نفس العلاقات وننجذب لنفس النوع من الأشخاص اللي بيكرروا نفس الجرح القديم؟ في الحلقة دي من بودكاست #افتح_قلبك، بستضيف الدكتورة دينا العالم وهنكشف سوا ازاي جروح الطفولة بتبدأ، وليه بترجع تظهر في اختياراتنا، علاقاتنا، وحتى نظرتنا لنفسنا. في الحلقة هتعرفي: يعني إيه جرح الطفولة وإزاي بيبان في تصرفاتنا ومشاعرنا واحنا كبار؟ أسباب انجذابنا لشخصيات مؤذية وتكرار نفس النمط. إزاي نكتشف جرحنا ونواجهه من غير لوم أو جلد ذات. علامات العلاقة الصحية، والمؤذية هل نقدر نعالج جروح الطفولة لوحدنا؟ وإمتى نحتاج متخصص؟ أهم خطوات وقواعد التعافي وبناء علاقة آمنة مع النفس. لو حاسة إن في نمط بيتكرر في علاقاتك، أو بتحاولي تفهمي نفسك أكتر، الحلقة دي هتساعدك تشوفي الصورة أوضح وتبدئي رحلة تعافي حقيقية. شوفي الحلقة للأخر، وقولي لي في التعليقات لو سبق ولاحظتي جرح طفولة أثّر على علاقتك؟ و لو حسّيتي إن الموضوع يهم حد تعرفيه، شاركيها معاه. 💛 #جروح_الطفولة #العلاقات #التعافي #بودكاست #الصحة_النفسية

بتحسي إنك بتدي كتير لكل اللي حواليكي، بس مش عارفة تحبي نفسك أو تلاقي وقت ليكي؟ في حلقة النهاردة من بودكاست "افتح قلبك" هنتكلم عن مشكلة حب الذات وإزاي نتخلص من شعور الإرهاق النفسي اللي بييجي من قلة اهتمامنا بنفسنا وانشغالنا بمسؤولياتنا. وهكشف لك السر اللي غيّر حياة واحدة من عميلاتي، وخلّاها تحسّن علاقتها بنفسها وبالناس اللي حواليها، وإزاي استخدمنا أدوات الكوتشينج علشان تبدأ رحلة حب الذات خطوة بخطوة لحد ما بقت أحسن. واتفرجي على الحلقة عشان تعرفي تمرين دايرة الأولويات اللي فعلاً هيغيّر حياتك، وهيخليكي تشوفي أولوياتك على حقيقتها وتعيدي ترتيبها من جديد. اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌

 ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر وعايزة تحبي نفسك صح وتهتمي بها،

أنا مش واثقة في نفسي! يمكن دي الجملة اللي عمرك ما قولتيها بصوت عالي… علشان ميبانش إنك شاكة في نفسك، أو بتقارنيها بغيرك، أو لأنك دايمًا حاسة إن مهما عملتي، برده مش كفاية. ولأن كلنا بنمر باللحظة دي، الحلقة دي من بودكاست #افتح_قلبك معمولة مخصوص ليكي 💜 هنتكلم فيها عن:

اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌 ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر أو مش قادرة ترجعي ثقتك بنفسك لوحدك،

أنا مش كفاية! الكلمة اللي يمكن بتقوليها لنفسك كل يوم من غير ما تاخدي بالك، واللي بتخليكي طول الوقت مضغوطة، بتحاولي تكوني مثالية في كل حاجة، وفي الآخر بتحطي نفسك في آخر الأولويات.

 الصوت اللي جواكي، اللي دايمًا بينتقدك ويشكّك فيكي، سببه بسيط: إنك لسه مبدأتيش تحبي نفسك بجد، حتى لو بتقولي العكس.

 في الحلقة دي من بودكاست "افتح قلبك"، هنتكلم عن: المعنى الحقيقي لحب الذات ليه حب النفس مش أنانية؟

 إزاي الصور الذهنية الغلط بتأثر على تقديرنا لنفسنا؟

 4 معوقات بتمنعنا نحب نفسنا خطوات عملية تعلي بها حبك لذاتك،

وتتعاملي بلطف معاها وليه السعي للمثالية بيستهلكك بدل ما يكمّلك؟

 اسمعي الحلقة للآخر، وشاركيها مع أي حد محتاج يحب نفسه من تاني 💛

العصبية الزايدة، التوتر المستمر، الصوت العالي، أو حتى الإحساس إنك مش كفاية… كلها علامات على إنك مش متصلة بطاقة الأنوثة اللي جواكي. والسبب في ده مش إنك ضعيفة، لكن لأنك مشغولة جدًا، ونسيتي تهتمي بنفسك وسط زحمة الحياة ومسؤولياتها في الحلقة دي من بودكاست "افتح قلبك"، هنتكلم عن طاقة الأنوثة الحقيقية بعيدًا عن الصور النمطية اللي المجتمع والميديا رسموها لنا. هتعرفي: إيه الفرق بين الأنوثة كمظهر والأنوثة كطاقة؟

إزاي تجارب الحياة بتأثر على أنوثتك؟

خطوات عملية ترفعي بيها طاقتك الأنثوية؟

 ليه التعبير عن مشاعرك هو أهم خطوة للاتصال بذاتك؟

الأنوثة مش بس شكل أو مظهر خارجي، دي طاقة وشعور جواكي محتاجة وعي واهتمام...

هل بتحسي إنك مش قادرة تعبّري عن نفسك؟ بتمري بمواقف وبتبقي عايزة تتكلمي وتلاقي الكلام وقف؟ بتبقي متضايقة، متأثرة، أو حتى فرحانة وبرده ساكتة؟ في الحلقة دي من بودكاست "افتح قلبك"، هقولك ليه بنسكت حتى واحنا محتاجين نتكلم؟ وليه مبنقدرش نعبر عن مشاعرنا وعن اللي جوانا بسهولة للي حوالينا؟ هنتكلم مع بعض عن: الكبت العاطفي وتأثيره على صحتك النفسية إزاي التربية والمجتمع علمونا نسكت ونداري مشاعرنا الفرق بين إنك تختاري تسكتي، وإنك متقدريش تتكلمي تمرين بسيط هيساعدك تبدئي تعبّري عن مشاعرك وتفهمي نفسك بوضوح لو بتمري بضغط او تعب نفسي، ومش عارفة تحكي اللي جواكي لحد، وحاسة انهم مش هيفهموكي، متخافيش، انتي مش لوحدك، أنا هنا جمبك عشان اسمعك وادعمك.

حاسّة إنك تايهة ومش فاهمة نفسك؟ مش عارفة بتحبي إيه، ولا عارفة تكمّلي في شغلك ولا تغيّريه؟ حياتك ماشية، بس من جواكي مش مبسوطة؟ لو عمرك بين 25 و35، فالحلقة دي من افتح قلبك مخصوص عشانك. بشاركك فيها 4 أسباب مهمة ممكن تكون السبب في شعورك ده، وهقولك على تمرين بسيط هيساعدك تفهمي نفسك أكتر.

📌 هتعرفي في الحلقة: ليه ممكن تحسي إنك مش على طبيعتك؟

📌 هتعرفي في الحلقة: ليه ممكن تحسي إنك مش على طبيعتك؟

تأثير التربية، والمجتمع، والمقارنة على إحساسك بنفسك

تمرين بسيط يساعدك تكتشفي إيه اللي بيسعدك فعلًا

وأول خطوة لازم تاخديها عشان تتصالحي مع نفسك وتعرفي طريقك

هل حاسة إنك تعبانة ومش قادرة تفرحي؟ بتصحي كل يوم بنفس التعب ومش عارفة ليه؟ في الحلقة دي من "افتح قلبك"، د. مي أبو زهرة بتشارك تجربتها الشخصية مع الاحتراق النفسي، وازاي قدرت تتعافى وتبدأ تهتم بصحتها النفسية بعد سنين من الضغط والغربة والطلاق. 🟣 هتعرفي:

يعني إيه Burnout؟ وليه بنوصله فجأة؟

الفرق بين الكسل والتعب النفسي

 3 أدوات ساعدتني أبدأ رحلة التشافي

 وإزاي تطلبي المساعدة وتسمحي لنفسك ترتاحي من غير ذنب

تفتكري ليه في ناس بتفضل في علاقات مؤذية مع ناس مش مناسبين لهم؟

في الحلقة دي من بودكاست افتح قلبك، هنعرف الإجابة مع د. مي أبو زهرة وكوتش يحيى أبو زيد مؤسس شركة MY Coaching، :وخبير العلاقات وهنتكلم عن

ليه بنختار أشخاص معينين؟

إزاي التربية والتجارب اللي عيشناها بتأثر على اختياراتنا؟ 

الفرق بين الحب والتعلق، وازاي نميز بينهم؟

 إزاي نعرف إننا في علاقة سامة؟

 ونعمل ايه لو اكتشفنا ده؟

 هل ممكن نصلح علاقة بعد ما تتكسر؟

وإمتى نحتاج ناخد وقت نعيد فيه ترتيب نفسنا قبل ما ندخل علاقة جديدة؟

 وسؤال واحد ممكن يغيّر كل اختياراتك

لو مريتي بعلاقة صعبة، أو داخلة على علاقة جديدة، اسمعي الحلقة للآخر، وشاركيها مع أي واحدة حابة تفهم مشاعرها أكتر

ممكن تكوني مريتي بتجربة الطلاق، وحاسّة إن حياتك اتقلبت، ومش قادرة ترجعي زي زمان. في الحلقة دي من "افتح قلبك"، هشاركك تجربتي الشخصية بعد الطلاق، وإزاي بدأت أتعافى، وهشاركك 3 خطوات بسيطة ساعدوني أخرج من دوامة الحزن وأرجّع ثقتي بنفسي، واحدة واحدة. ولأن الطلاق مش نهاية، ممكن يكون بداية جديدة، تكوني فيها أقوى، أهدى، وأقرب لنفسك، لو عرفتي إزاي تتعافي وتحبي نفسك من تاني. في الحلقة هنتكلم عن:

مشاعر ما بعد الطلاق وطرق التعامل معاها

أهمية التدوين والامتنان في رحلة التعافي

 إزاي التغيير في بيئتك ومظهرك بيأثر على حالتك النفسية

خطوات عملية تساعدك تبدئي حياة جديدة وتكتشفي نفسك من أول وجديد

ولو حابة تبدئي أول خطوة في رحلة التعافي: حمّلي مجانًا كتيب التمرين: "من أنا بعد الطلاق؟" من هنا: https://mayabouzahra.com/ar/exercise-... 

مفيش حد بيعدي من الحياة من غير امتحان، بس اللي يفرق فعلًا، هو إزاي بنتعامل مع اللحظات دي، فيه ناس بتقف عندها، وفيه ناس بتطلع منها أقوى بكتير. في الحلقة دي من بودكاست "افتح قلبك"، ضيفنا هو وليد جلال، مدرب ومحاضر في التنمية البشرية، وهنتكلم سوا عن كتابه "الامتحان". الكتاب بيقدّم نموذج عملي من 12 مرحلة، ممكن يساعد أي حد بيواجه أزمة نفسية أو ضغط، إنه يتجاوزها بخطوات واضحة وعملية ويبدأ رحلة بناء نفسه من جديد. في الحلقة دي هنتعرف على:

 معنى "الهشاشة النفسية" وليه بقت منتشرة؟.

خطوات عملية عشان تعدي أزمتك النفسية وتعيش أقوى.

الفرق بين التحديات اللي لازم نتعلم منها، واللي نقدر نتجاوزها. وأهم 3 مبادئ لو فضلنا متمسكين بهم في الحياة هنعرف نكمل.

لو مريت بأزمة في حياتك، وحاسس إنك واقف مكانك، الحلقة دي معمولة ليك، وهتلاقي فيها خطوات عملية تساعدك على التجاوز والتعافي. 👇 اسمعها،.

هل حاسّة إنك مش مبسوطة في حياتك؟ حاسّة إنك مش في المكان الصح؟ عايزة تغيري، لكن خايفة أو مش عارفة تبدأي منين؟ في الحلقة دي من بودكاست "افتح قلبك" مع د. مي أبو زهرة، هشاركك 3 قصص حقيقية لستات زيك، مرّوا بمواقف صعبة في الشغل، الجواز، والغربة لكن قدروا يقفوا على رجليهم، ويغيّروا حياتهم بالكامل. هتعرفي في الحلقة: إزاي "عُلا" بدأت بزنس أونلاين من البيت بعد الطلاق، وبنت مصدر دخل مستقل؟ وقصة "ندى" اللي كانت بتشتغل شغل روتيني مبتحبوش، إزاي مشيت وراء شغفها في التصميم وبدأت كارير حقيقي كمان هنعرف ازاي"ليلى" اللي هاجرت مع جوزها، وبدأت من الصفر في بلد جديدة، رغم صدمة الغربة والعزلة. كل قصة فيهم فيها درس مهم، وأمل إن التغيير ممكن مهما كانت الظروف صعبة، فلو بتحلمي بحياة مختلفة، وعايزة تكتشفي خطوات عملية للتغيير، وتشوفي نماذج حقيقية تشجعك يبقى الحلقة دي ليكي. اسمعي الحلقة كاملة، ومتنسيش تعملي منشن لصحبتك اللي محتاجة الدعم ده عشان تاخد قرارها.

حاسّة إنك واقفة في نفس المكان؟

 كل يوم شبه اللي قبله نفس الروتين، نفس الشغل، نفس الناس... وعايزة تغيّري حياتك، بس الخوف مسيطر عليكي ومش عارفة تبدئي؟ في الحلقة دي من بودكاست افتح قلبك، هنتكلم عن: ليه بنخاف من التغيير؟

 إزاي ترجّعي شغفك؟

 إزاي تعرفي إن ده فعلاً وقت التغيير؟

خطوات بسيطة تبتدي بيها من غير توتر ولا ضغط وازاي تتعاملي مع الناس اللي حواليكي لو مش مشجعينك اسمعي الحلقة للآخر، وشاركيها مع أي حد حسيتي إنه محتاج يسمع الكلام ده.

حاسة إنك مهما حاولتِ تتكلمي مع جوزك، هو مش فاهمك؟ كل ما تفتحي موضوع، بيحول لزعل أو خناقة؟ في الحلقة دي من "افتح قلبك"، د. مي أبوزهرة بتستضيف كوتش العلاقات بانسي مجدي، وهنتكلم عن: الفرق بين الكلام اليومي والتواصل الحقيقي ليه الرجالة أوقات فعلاً "ما بيسمعوش"؟ إ

إزاي تختاري الوقت الصح للكلام؟

 أدوات بسيطة تغيّر شكل العلاقة من أول وجديد

ليه الحماس بيخلص بسرعة؟

ليه كل ما نبدأ عادة جديدة، بنرجع نبطلها بسرعة؟

 وليه "الانضباط" هو سر النجاح الحقيقي؟

في الحلقة دي من "افتح قلبك"، استضفنا محمد شبكة – كوتش ومدرب في تطوير الذات وتغيير العادات –

خلال الحلقة اتكلمنا عن: الفرق بين الحماس المؤقت والانضباط اللي بيخلينا نكمّل إزاي نبدأ عادة من غير ما نزهق بعد يومين مفهوم "الأسبوع الذهبي" وتأثيره في تغيير نمط حياتنا إزاي نربط العادات بمشاعر إيجابية ومكافآت نفسية وإزاي نخلص من جلد الذات ونبني علاقة أحنّ مع نفسنا

كلنا بنمر بأيام نحس فيها إن نفسيتنا مش قد كده… مش قادرين نتكلم، ولا نتحرك، ولا ننجز أي حاجة! في الحلقة دي، هنتكلم سوا عن الصحة النفسية، وليه مهم نراعيها قبل ما نغرق في الضغط أو الاكتئاب،

 وهشارك معاكي 6 خطوات بسيطة وسهلة، تقدري تبدئي تعمليها فورًا وهتفرق معاكي بشكل حقيقي.

 📌 في الحلقة هنتكلم عن:

• إزاي نفسيتك بتأثر على حياتك اليومية

• أهمية العلاقات والدعم من الناس اللي بتحبيهم

 • علاقتك بالأكل والسكر وتأثيره على المزاج • أنشطة بسيطة مكن ترفع مودك بشكل كبير

من شغل الشركات، لاكتئاب بعد الولادة، لصدمات من ناس قريبة، وخسرت كل اللي كانت بتبنيه… بس الغريب إن حياتها اتغيرت لما اكتشفت شغفها جوا المطبخ! ده ملخص رحلة ضيفتنا الجميلة الشيف إيمي، اللي هتكون ضيفة حلقتنا الجديدة من "افتح قلبك" مع د. مي أبوزهرة، وهتشاركنا تفاصيل من حياتها، وازاي حولت حبها للأكل من وصفات بسيطة في البيت، لكارير وبزنس ناجح على السوشيال ميديا، وبقت مصدر إلهام لآلاف الستات اللي بيتابعوها وبيستنوا محتواها كل يوم.

الناس ساعات بتحكم علينا بسرعة، خصوصًا لما نقرر نغيّر طريقنا، شكلنا، أو حتى أولوياتنا، وساعتها يا بنتأثر ونتراجع، يا إما بنكمل الطريق… ونكون زي ما إحنا، مش زي ما الناس متوقعانا. في الحلقة دي من "افتح قلبك"، ضيفتي الجميلة مي فخري بتفتح قلبها وبتحكي لنا عن رحلة التغيير اللي قلبت حياتها من عالم الأزياء والتمثيل، لحياة أقرب لنفسها، لبناتها، ولربنا. سابت التمثيل، وقررت تتحجب، مرّت بتجربة طلاق، وابتدت من جديد، في وقت كانت فيه نظرات الناس وكلامهم أصعب من أي تحدّي تاني، لكن رغم كل ده، اختارت تكون صادقة مع نفسها… وتكمل. 📌

 في الحلقة دي، مي بتحكي بكل صراحة عن قرارات كبيرة غيّرت حياتها بالكامل:

• ليه قررت تبعد عن الشهرة والتمثيل؟

• إزاي واجهت تجربة الطلاق؟

• ليه لبست الحجاب؟

وإزاي اتعاملت مع الهجوم؟

• إزاي بدأت شغل جديد بنفسها، من غير ما تضحي بنفسها؟

• وإزاي بتحافظ على طاقتها وتوازنها بين الشغل، الأمومة، ونفسها؟

الضغوط المادية في الغربة مش بتأثر على حسابك البنكي بس، بتأثر على نفسيتك، علاقاتك، وإحساسك بالأمان. في الحلقة دي من افتح قلبك، بحكيلك عن التحديات المالية اللي عشتها، وازاي قدرت أتعلم أدير ميزانيتي، أزود دخلي، وأعيش مرتاحة من غير توتر. 📌 هنتكلم عن: إزاي تعملي ميزانية شهرية واضحة وبسيطة وتلتزمي بها أفكار بسيطة لزيادة الدخل حتى لو وقتك قليل إزاي تقولي "لأ" للمصاريف اللي مش ضرورية خطوات نفسية تساعدك تخرجي من دايرة القلق والضغط المالي وأهم نقطة: ازاي تديري فلوسك بذكاء وتعيشي مرتاحة

مرات كتير بنفضل نقول "حاضر" حتى واحنا تعبانين… بننسى نفسنا، علشان نرضي اللي حوالينا. في أول حلقتنا من الموسم التاني لبودكاست افتح قلبك، د. مي أبو زهرة بتشاركنا واحدة من أهم الدروس اللي غيرت حياتها: قوة كلمة "لأ". هنتعلم سوا إزاي نقول لأ من غير ما نوجع اللي قدامنا، ومن غير ما نتخلى عن حبنا لنفسنا 

 الحلقة دي لكل واحدة: بتخاف تزعل الناس. مش عارفة تحط حدود. دايمًا بتحط راحتها في الآخر

اتجوز ليه؟ سؤال كبير ومهم أثار جدل كبير في واحدة من أهم حلقاتنا في 'افتح قلبك'! ناس كتير وافقتني، وناس اختلفت معايا، بس في الحلقة الجديدة هقولك ليه متتجوزيش لو؟

:لو عايزة تعرفي لو إيه؟ يبقى لازم تشوفي الحلقة كاملة عشان هنتكلم عن

 ليه لازم تكوني مستقلة ماديًا قبل الجواز؟

 إزاي تختاري شريك حياتك بطريقة صح؟

 الفرق بين الحب الحقيقي والاعتماد على الطرف التاني.

 نصايح لعلاقة زوجية متوازنة وصحية

رمضان خلص، بس رحلتنا لربنا لسه مخلصتش! رمضان كان فرصة عظيمة ربنا رزقنا بيها عشان نقرب منه ونعيش روحانيات مختلفة، لكن السؤال دلوقتي: هنكمل إزاي بعد رمضان؟ في الحلقة دي، هنتكلم عن:

إزاي نخلي علاقتنا بربنا مستمرة طول السنة؟

 إزاي نرجع لروتيننا اليومي بعد رمضان؟

نصائح عملية لتثبيت العادات اللي اكتسبناها خلال الشهر الكريم

لو حاسة إن رمضان عدّي بسرعة، لسه قدامك فرصة عظيمة! العشر الأواخر على الأبواب وفيهم ليلة القدر، اللي هي خير من ألف شهر ومينفعش تفوتك! النهاردة في حلقتنا هنتكلم عن: أهمية العشر الأواخر من رمضان، وازاي نستعد ليهم؟ ازاي نحس بالعبادة ونجدد نيتنا؟ الصلاة، الاستغفار، والتوبة. أهمية الدعاء، وازاي نغير روحنا؟ ازاي نحافظ على نيتنا ونكمل بعد رمضان؟

رحلة التشافي ممكن تكون أسهل بكتير لو عرفنا الحواجز اللي بتوقفنا واتغلبنا عليها، في حاجات بنعملها من غير ما نقصد، بتخلينا مش قادرين نقرب من ربنا ونشفي قلوبنا، وبما إننا في شهر رمضان، فدي أحسن فرصة إننا نواجه الحواجز دي ونعيش رحلة التشافي بجد، في حلقة النهاردة من "افتح قلبك"، هنتكلم عن:

✅ الحجب اللي بتوقفنا عن الشفاء الروحي والنفسي: 

التفكير السلبي (Negative Thinking):

التركيز على الماضي والندم المستمر (Living in the Past):

الخوف من المستقبل (Fear of the Future):

الكلام السلبي مع النفس (Toxic Self-Talk):

الذنوب والشعور بالذنب المستمر.

✅ إزاي نتغلب على الحواجز دي؟

✅ ازاي نستغل رمضان كفرصة للارتقاء الروحي؟

كلنا بنمر بأوقات صعبة، لو فضلنا واقفين عندها، حياتنا هتقف، لكن لو شوفناها كمرحلة مؤقتة، وهنتعلم منها، وبعدها نبدأ صفحة جديدة، وقتها هنبدأ طريق التشافي بجد ونرجع أقوى من الأول! في الحلقة دي من "افتح قلبك"، هنتكلم عن: · ليه ربنا بيبتلينا؟ وإيه الرسالة اللي ورا كل اختبار؟ · إزاي الابتلاء بيطهر قلوبنا ويقربنا من ربنا؟ · ازاي تتعاملي مع المحن وتخرجي أقوى من الأول. ازاي نستغل رمضان ونتشافى روحياً من المحن؟ سواء كنتِ بتمري بابتلاء حاليًا، أو لسه متأثرة بابتلاء قديم، الحلقة دي ليكي، شوفيها دلوقتي وشاركينا في التعليقات: إيه أكتر محنة عدّيتي بيها وحسّيتي إنها غيّرتك للأحسن؟

غربة، اكتئاب، طلاق، مشاكل صحية! دي كانت جزء من الأزمات اللي مريت بها، لكن قدرت أتخطاها وأكمل حياتي بشكل أحسن. في الحلقة دي من بودكاست افتح قلبك، هشارك معاكم تجربتي الشخصية، وهشارك معاكم كمان خطوات عملية ساعدتني أتعامل مع التوتر وأحسن من حالتي النفسية، وازاي الرياضة والتغذية كان لهم دور كبير في تغيير حياتي للأحسن. شوفي الحلقة كاملة للآخر، وقولي لي في التعليقات: إزاي بتتعاملي مع الأزمات في حياتك؟

كنت في مجال ناجحة فيه، وفي لحظة قررت أغيره! في الحلقة دي من بودكاست افتح قلبك، هشارككم تجربتي الشخصية في إزاي عملت شفت كارير من التدريس للكوتشينج، وازاي قدرت أبدأ من جديد، وهقولكم كمان ليه اخترت الكوتشينج بالذات، ولو انتي مش مرتاحة في مجالك الحالي هشاركك خطوات تساعدك تلاقي شغفك وتبدئي في مجال جديد.

الوحدة شعور صعب، وبتزيد صعوبته لما تكوني في الغربة، بعيدة عن أهلك وأصحابك وحياتك اللي متعودة عليها، وسواء كنتي سنجل أو متجوزة وعندك شغل وحياة، فالغربة بتزود إحساس العزلة بشكل كبير. في الحلقة دي من بودكاست افتح قلبك، هشاركك تجربتي الشخصية وإزاي قدرت أتعامل مع الوحدة في الغربة، وهقولك: ليه بنحس بالوحدة حتى وإحنا حوالينا ناس؟ إزاي تتعاملي مع الشعور ده من غير ما يأثر على نفسيتك؟ خطوات بسيطة تبني بيها حياة اجتماعية جديدة. وإزاي تستمتعي بوقتك حتى لو كنتي لوحدك.

الجواز رحلة، والرحلة دي تستحق إننا نجهز لها كويس ونعيشها مبسوطين بكل لحظة فيها! 💕 في الحلقة دي من بودكاست افتح قلبك، هنتكلم عن: إيه هي الأسس الحقيقية للجواز الناجح؟ الفرق بين الاحتياج والحاجة في العلاقة. إزاي تختاري شريك حياة يشاركك رسالتك ويدعمك؟ ليه المشاركة هي المفتاح لحياة زوجية سعيدة ومتوازنة؟ سواء كنتي بتفكري في الجواز، أو هتتجوزي قريب، أو متجوزة وعايزة تطوري علاقتك، الحلقة دي ليكي!

ما بين الرقة الزايدة والقوة الشديدة، مفهوم طاقة الأنوثة بيختلف من شخص للتاني! 🤔 في الحلقة دي من بودكاست افتح قلبك، هنتكلم عن: إيه هو المعنى الحقيقي لطاقة الأنوثة؟ هل هي الرقة والجمال ولا الحكمة والقوة؟ إزاي توازني بين طاقة الأنوثة وطاقة الذكورة؟ خطوات عملية لتفعيل طاقة الأنوثة جواك بشكل متوازن. سواء كنتِ شايفة الأنوثة في الجمال والرقة أو في الحكمة والقوة، الحلقة دي هتغير نظرتك لطاقة الأنوثة تمامًا! ✨

حلقة النهاردة من بودكاست "افتح قلبك" مع د. مي أبوزهرة هتكون مميزة جدًا لأننا هنسمع حوار حقيقي بين د. مي والكوتش ريم العقاد، واللي هيشاركونا تجاربهم الشخصية في الحياة واللي ساعدتهم يعيشوا حياة متوازنة وصحية نفسيًا. خلال الحلقة، هنتناول مواضيع مهمة زي العلاقات الصحية، وإزاي تختاري شريك حياتك اللي بيدعمك ويخليك أفضل، وكمان هنتكلم عن القبول الذاتي وإزاي تشتغلي على معتقداتك السلبية اللي ممكن تعيقك، الحلقة دي هتكون مليانة تجارب حقيقية، وبنتمنى إنها تكون مفيدة وتضيف لكم حاجة جديدة.

حلقة جديدة من "افتح قلبك"، جمعتني مع صديقتي الغالية أ. أمنية عسكر، رائدة التربية الايجابية في مصر، في حوار من القلب حبينا نشارك معاكم تجربتنا الشخصية ورحلتنا سوا، وازاي الصداقة الحقيقة بتكون مصدر قوة وتغيير في حياتنا، بنحكي عن كل لحظة مرينا بيها مع بعض، وازاي الصداقة ساعدتنا نكبر ونتطور، أنا متأكدة أنكم هتلاقوا في الحلقة دي لحظات وأفكار هتلمس قلوبكم زي ما لمست قلوبنا!

في حلقة جديدة من بودكاست افتح قلبك، بنستضيف الكوتش نيفين الجندي، اللي هتشاركنا مفهوم السلام النفسي وازاي نقدر نوصله في حياتنا اليومية، هنتكلم عن الفرق بين الأفكار والمشاعر السلبية والإيجابية، ونتعلم إزاي نميز بينهم ونتعامل مع اللي مضايقنا بذكاء وهدوء، كمان هنكتشف إزاي نخلق التوازن بين ضغوط الحياة والهدوء الداخلي، وهنتعرف على طرق للتغلب على التوتر والقلق عشان نوصل لحالة من السلام النفسي. نيفين الجندي هي كوتش معتمدة من مدرسة Martha Beck، ومدربة قيادية من فريق John Maxwell، وأسست علامتها التجارية "niVoforLife" لدعم الناس في اكتشاف إمكانياتهم. هي مؤلفة كتاب "BE" اللي حقق نجاح كبير، واشتغلت مع شركات عالمية زي Nestlé وDell.

في حلقة جديدة من بودكاست افتح قلبك، بنستضيف مهندسة الديكور رشا حسام، مهندسة ناجحة وبتحب تساعد الناس يعيشوا في أماكن مريحة وجميلة، رشا هتحكي لنا عن رحلتها في مجال الديكور، وازاي قدرت تطور شغلها وتأسس بزنس ناجح، وكمان هتشاركنا نصايح مهمة لأي حد بيجهز بيته لأول مرة، وهتوضح لنا أكتر الأخطاء اللي بيقع فيها الناس وهما بيشطبوا بيوتهم. في الحلقة دي كمان هنعرف مع بعض ازاي بيتنا وترتيبه ممكن يكون ليه تأثير على صحتنا النفسية، فلو بتفكري تجهزي بيتك وعايزة نصايح بسيطة وفعّالة، الحلقة دي ليكي!

هو لازم يكون فيه حد معين عشان تحسي بالود والدفا؟ كل اللي حوالينا علمونا نستنى شريك حياة، لكن الحقيقة إن الود مش محتاج وجود شخص معين! في الحلقة الجديدة من بودكاست "افتح قلبك"، هنتكلم إزاي تحسي بالود في علاقتك بربنا، وفي حبك لنفسك، وفي كل مرة بتدي طاقة إيجابية للناس، عشان نكمل سوا رحلتنا للسلام الداخلي وحب الذات.

في الحلقة دي من بودكاست "افتح قلبك"، هنتكلم عن واحدة من أهم المهارات اللي ممكن تساعدك تكوني مستقرة مالياً، وهي إدارة الفلوس، هنستعرض مع بعض إزاي طريقة إدارتك لفلوسك ممكن تخليكي مليونيرة، أو العكس تماماً، وكمان هنعرف ليه بعض الناس بتواجه أزمة مالية كل شهر وبتضطر تستلف، وازاي تقدري تتجنبي ده. الحلقة مليانة نصايح عملية وأفكار بسيطة تساعدك تحققي استقرار مالي وتستثمري في مستقبلك بذكاء.

في الحلقة دي من بودكاست 'افتح قلبك'، هنتكلم عن أهمية الإجازات للعائلات المغتربة، وازاي تنظمي وقتك وتخلقي ذكريات جميلة لأولادك.

في الحلقة دي من افتح قلبك، د. شادي سمير، طبيب الأسنان ورائد الأعمال، هيشاركنا رحلته من الطب لعالم البزنس! هيشرح لنا إزاي قدر يحوّل عيادته لمشروع ناجح، وايه أهم المهارات اللي لازم أي طبيب يتعلمها عشان يبني بزنس قوي وناجح. وهيسيبنا مع نصايح مهمة من تجربته الشخصية. 

🟢استعدي لحلقة جديدة من بودكاست افتح قلبك وحوار مهم لرحلة ملهمة مع د. نادية عبدالعال، رئيسة مؤسسة تطوير الكوتش العربي، وكوتش Pcc، ومحاضرة في جامعات مختلفة!💪🔥 ✅هتشاركنا تفاصيل كتير من مشوار نجاحها، وازاي واجهت تحديات حياتها، من أول مشكلتها الدراسية لحد مرض السرطان، وازاي قدرت تربي أولادها وتوفق بين حياتها الشخصية وطموحها وشغلها، لحد ما وصلت لمكانتها الحالية وحققت حلمها!💪 🟢حلقة مليانة دروس قيمة هتغير نظرتك للحياة! 🌟 ⬅️اتفرجي على الحلقة كاملة دلوقتي على يوتيوب وسيبي لي رأيك في التعليقات!🤝

في الحلقة دي من "افتح قلبك"، معايا الكوتش حسام الغروري، مدرب العلاقات المعتمد من ICF، واللي ساعد ناس كتير يبنوا علاقات أقوى وأصح، هنتكلم عن جوانب مختلفة للعلاقات وإزاي نديرها بشكل سليم، وهنتعرف كمان على مفهوم العلاقات السامة وإزاي نتجنبها، اكتبوا في التعليقات أكتر مشكلة بتقابلكم في علاقاتكم، عشان نناقشها في الحلقات الجاية!

الفرصة لسه مضاعتش منك، ولسه عندك وقت تلحقي تستغلي اللي فاضل من الإجازة 💪 في الحلقة دي من بودكاست 'افتح قلبك' مع د. مي أبو زهرة، هنتكلم عن: ✅ إزاي تقدري تستفيدي من اللي باقي في الإجازة. ✅ خطوات عملية لتخطيط وقتك وتحقيق أهدافك. ✅ازاي تستعدي للدراسة بكل طاقة وحماس. متفوتيش الفرصة واستعدي ترجعي بقوة، شوفي الحلقة كاملة دلوقتي وقولي لنا في التعليقات هتعملي ايه الأيام الجاية 👀

لو بتفكري تبدئي مشروع خاص، أو عندكِ مشروع صغير وعاوزة تطوريه، وبتحلمي تبني براند قوي الناس تميزك به، الحلقة دي هتفيدك كتير! لأننا في الحلقة دي، هيكون معانا الكوتش مروان نصار، رائد الأعمال والمستثمر ومؤسس شركة Identity Brand ، اللي هيكشف لك أسرار ازاي تبدئي بزنس ناجح بهوية قوية، ودي أهم النقط اللي هنتكلم عنها في الحلقة: -ليه مهم يكون عندك بزنس بهوية مميزة؟ -إمتى تعرفي إنك جاهزة تبدئي مشروعك؟ -إزاي تستعدي وتجهزي نفسك لنجاح مشروعك؟ متفوتيش الفرصة دي وتابعي الحلقة كاملة على يوتيوب دلوقتي، وقولي لي في التعليقات ايه اكتر مشكلة بتقابلك في البزنس بتاعك؟

الوحدة شعور صعب، بس إنتِ مش مجبورة تعيشيه، لأنه محدش هيقدر يمنعك من السعادة إلا نفسك؛ فلو اتعلمتي ازاي تكوني مبسوطة حتى وانتي لوحدك عمرك ما هتتعبي! 💪 🟢في الحلقة الجديدة من البودكاست هعلمكِ: ✅ازاي متحسيش بالوحدة حتى لو كنتي لوحدكِ، بخطوات عملية سهلة. ✅معنى "جوع عاطفي" للمشاعر، وازاي تتعاملي معاه. ✅ازاي تعيشي واستمتعي بالحياة من غير ما تعتمدي على حد تاني. 🟢

نجاح العلاقات الزوجية من أهم عوامل النجاح والتوازن في الحياة! 👌 وعشان كده بنقدم لك حلقة جديدة من بودكاست "افتح قلبك" واللي هتكون ضيفتنا فيها⬇️ 🟢 مي القاضي . خبيرة الصحة النفسية واستشاري العلاقات الزوجية والأسرية 🤝 ⬅️خلال الحلقة هنتكلم على مواضيع كتير منها: ✅التوازن في الحياة ✅معنى السعادة الحقيقية وازاي نوصل لها؟ ✅أهمية الرياضة لصحتنا النفسية وازاي نلتزم بالرياضة بالأخص لو كنت ست عاملة، وكمان لو أم ازاي تشجع ولادها على الرياضة؟ ✅العلاقات السامة، وازاي تكتشفها ونتعامل معاها؟ ✅صفات الشخصية النرجسية، وطرق التعامل معاها؟ ✅ ازاي ننجح العلاقة الزوجية ونعدي الخلافات؟ 🟢حلقة دسمة ومهمة لكل الناس المتجوزين او اللي هيتجوزوا قريب، وهتساعدنا كتير جداً، متفوتوش الحلقة، ومتنسوش تسيبوا لي أسئلتكم في  التعليقات

🟢الأفكار السلبية شبح بيهدد حياتك وسعادتك، وعشان تتخلصي منه لازم تتعلمي تسيطري على أفكارك وتغيريها دائماً لأفكار إيجابية، وده اللي هتتعلميه معايا في الحلقة دي من بودكاست افتح قلبك، لأننا هنتكلم عن:

⬅️ايه هو التفكير السلبي؟
⬅️ازاي ممكن يأثر على حياتك؟
⬅️ازاي تقاومي الأفكار السلبية؟
⬅️ خطوات عملية للتخلص من الأفكار السلبية!

🟢تابعي الحلقة كاملة للنهاية على يوتيوب، وجربي كل الخطوات اللي هتساعدك تتخلصي من أفكارك السلبية، وشاركيني اسئلتك عن الحلقة في التعليقات 🤝

الغربة تمنها صعب!

🟢وبتكون أصعب على كل ست مسؤولة عايشة مع عيلتها بره، ومطلوب منها توازن بين احتياجاتها وطموحها الشخصي، وبين بيتها وأولادها عشان تربيهم وتخرج بهم لبر الأمان وميحسوش بالغربة!

⬅️فلو كنتي بتمري بظروف مشابهة أو تعرفي واحدة في نفس الظروف، شوفي الحلقة كاملة على يوتيوب وشاركيها معاها وإن شاء الله الحلقة تساعدكم في رحلتكم🤝

🟢 ولو حاسة إنك محتاجة مساعدة كلميني واحجزي معايا Discovery call وخليني أساعدك واقولك الكوتشينج ممكن يساعدك ازاي 🤝

· استقلالية البنات ونظرة المجتمع لهم · أهمية الاستقلالية المادية للبنات قبل الجواز · العنف ضد المرأة وأشكاله · البدايات الجديدة وازاي نبدأ صح؟ · ليه العلاقات بتفشل؟ كل ده وأكتر، اتناقشنا فيه مع ضيفة أجدد حلقاتنا، صانعة المحتوى والإعلامية الشابة ميار أبوكتير شوفي الحلقة كاملة دلوقتي على يوتيوب وقولي رأيك في التعليقات

تجربة الفراق واحدة من أكثر التجارب المؤلمة اللي ممكن نمر بها، لكنها مش نهاية العالم! وانتي قوية بما في الكفاية عشان تقدري تتخطيها وتتعافي منها؛ لو اخدتي قرارك بإنك ترجعي لنفسك السعادة اللي تستحقها! وعشان رحلتك في التعافي تكون أسهل، بقدم لك حلقتي الجديدة من بودكاست "افتح قلبك" واللي هقولك فيها على 8 خطوات عملية تقدري تعمليها بعد تجربة الفراق أو الطلاق هتساعدك تكوني أحسن، وتتعافي منها بشكل صحي أكتر! شوفي الحلقة كاملة دلوقتي على يوتيوب، ومتنسيش تسيبي لي سؤالك في التعليقات وهجاوب عليكي بنفسي!

كتير من الستات بيواجهوا تحديات صعبة في تحقيق التوازن بين شغلهم وحياتهم الشخصية، وده بيبقى أصعب كتير لما يكونوا مغتربين بعيد عن بلادهم🥺 في الحلقة دي من البودكاست، هنتكلم سوا عن المشاكل اللي ممكن تقابلك في الغربة، وازاي ممكن تتعاملي معاها وتواجيهاها، وانتي محافظة على صحتك النفسية والجسدية، وموازنة بين شغلك وعائلتك وحياتك الشخصية 🤝 🟢هستنى تشاركوني في التعليقات تجربتكم، وتقولوا لي إيه أكتر مشكلة بتقابلكم في الغربة👀

كتير مننا بيمر بحالات نفسية مختلفة، وبنحس إن عندنا مشكلة، بس هل فعلاً هي مشكلة؟ هل فعلاً بنكون محتاجين مساعدة نفسية متخصصة؟ 👀 ⬅️في حلقتنا الجديدة من بودكاست "افتح قلبك"، هنتكلم مع استشاري الصحة النفسية د/تامر علام عن: ✅أهمية الوعي النفسي. ✅ازاي نعرف إذا كان عندنا مشكلة نفسية فعلياً. ✅الفرق بين المشاعر الطبيعية والمشاعر اللي بتحتاج مساعدة متخصصة. ✅ازاي نختار الشخص المناسب لمساعدتنا. 🛑كل ده واكتر هتعرفيه لما تشوفي الحلقة كاملة دلوقتي على يوتيوب، ومتنسيش تسيبي لنا اسئلتك في التعليقات! 🤝

عالم الطفولة مش كله ألوان وسعادة، أحيانًا بيقابله شوية تحديات نفسية ممكن تأثر على حياة الطفل وتغيرها كلها! 🥺

⬅️تأخر وصعوبة الكلام، التوحد، مشاكل التعليم الأكاديمي، وغيرها أمثلة مهمة للمشاكل النفسية اللي ممكن يمر بها أطفالنا 🥺

🟢ولأن وبنفس أهمية صحة الكبار، صحة أطفالنا النفسية ضرورية لنموهم السليم وسعادتهم، قررنا نعمل الحلقة دي 🤝

✅في حلقة جديدة من البودكاست، هنقابل د. أمنية طه، أخصائية الصحة النفسية والإرشاد الأسري، اللي هتكلمنا عن:

⬅️أهم المشاكل النفسية اللي ممكن تواجه أطفالنا.
⬅️ إزاي نتعامل مع المشاكل دي بطريقة سليمة.
⬅️دور التأمل والكوتشينج في علاج الصدمات النفسية.

🟢تابعي الحلقة كاملة دلوقتي على يوتيوب، وسيبي لي سؤالك في التعليقات

السؤال اللي حير كل البنات! 🤔

⬅️مع كل التغييرات اللي بتحصل حوالينا، قرار الجواز بقى أصعب من قبل كده، ومبقاش في معايير ثابتة للاختيار، والنتيجة النهائية مش دائماً مضمونة أو مرضية 🤷

🟢ولأن الجواز قرار مهم لازم تاخديه بوعي كامل، مهم تختاري الشخص المناسب اللي تقدروا تبنوا سوا علاقة قوية مليانة حب واحترام وتقدير 💙

⬅️الحب مهم بس مش كل حاجة، والفلوس مهمة بس مش أهم حاجة، لازم يكون في تفاهم بينك وبين شريك حياتك، ومساحات مشتركة تجمعكم دائماً 👌

🟢في الحلقة الجديدة من البودكاست على يوتيوب هنتكلم عن الموضوع ده بالتفصيل، وهقولك إزاي تاخدي قرار الجواز بطريقة سليمة، وإزاي تختاري شريك حياتك المناسب؟ 🤝

⬅️قولي لي في التعليقات: ليه عايزة تتجوزي؟ 👀

صحيح الانفصال مش سهل، بس متخافيش هتقدري تعدّيه! 💪
هتقدري تحبي بعده من جديد، وتلاقي سعادة جديدة، أهم حاجة خدي وقتك وسيبي روحك تتعافى من التجربة القديمة 🫂
متفضليش متعلقة بحبال الماضي؛ خدي قرارك ورجعي لنفسك سعادتها 🤝
شوفي الحلقة الجديدة من البودكاست دلوقتي على يوتيوب، واتعلمي معايا 8 خطوات عملية هتساعدك تتخطي المرحلة دي وتخرجي منها قوية زي ما كنتي دايماً💪
🟢شاركيني في التعليقات تجربتك في التعافي بعد الانفصال🤝

الخوف من المجهول والقلق!

🛑أسباب أساسية في تردد كتير من الناس اللي عايزة تغير مجال شغلها، لكن مبتقدرش تاخد الخطوة دي بسبب قلقها وخوفها من المستقبل! 🥺

✅عشان كده في حلقتنا الجديدة من بودكاست "افتح قلبك" هجاوب على سؤال بيجي لي كتير وهو : امتى أقدر أغير مجال شغلي؟ 🤔

✅ وكمان هقدم لك ٥ حاجات مهمة لازم تخلي بالك منها قبل ما تغيري مجالك🤝

⬅️شاركينا في التعليقات هل فكرتي قبل كده في تغيير مجال شغلك ولا لأ؟ وايه هي أكتر حاجة بتخوفك من الخطوة دي؟ 👀

رمضان فرصة عظيمة للتغيير للأفضل! 💪

فرصة بتيجي لنا كل سنة عشان نخرج كل السموم اللي في جسمنا ونحسن نفسيتنا، ونشحن طاقتنا من جديد، ونخرج بنفسية جديدة، عشان كده خلينا نستفيد منها بأكمل وجه 💪

🟢في الحلقة الجديدة من البودكاست هنتكلم فيها عن:

✅ازاي تحبي العبادة وتحسي بالسعادة وانتي بتصومي، وبتقرئي القرآن وتتدبري الآيات بمتعة وفهم.
✅ازاي تستغلي رمضان لتغيير حياتك للأفضل، وتحافظي على روحانيات رمضان طول السنة.

⬅️كل ده واكتر هكلمك عنه في حلقتنا النهاردة، وهستنى مشاركتك في التعليقات 🤝

أنا مي عبد الرحمن أبو زهرة اتولدت وعشت في القاهرة في بداية حياتي، وسافرت كندا وحصلت على الدكتوراة في اللغويات الفرنسية، وعندي اكتر من 18 سنة خبرة في مجال التعليم والتدريب، وبقيت life coach معتمد من Jay Shetty certification school كنت single mom وربيت أولادي لوحدي، وبقوا نماذج ناجحة ومفيدة لمجتمعهم، وتعرضت للاكتئاب الحاد، ومريت بظروف صحية صعبة، عديت منها بفضل الله، والعلاج والمتابعة مع متخصص، وطبعاً دعم اللي حواليا، وبعدها نقلت تجربتي بتفاصيلها في كتابي "فرصة سعيدة" واللي ممكن تعرف أكتر عنه من هنا: https://mayabouzahra.com/ بدأت بودكاست "افتح قلبك" عشان أكمل رسالتي اللي بدأتها على السوشيال ميديا وهي مساعدة الستات والشباب اللي بيمروا بظروف صعبة، وبستضيف فيه كثير من المتخصصين في مجال الصحة النفسية والـ life coaching، على أمل إننا نقدر نساعدهم يعيشوا حياة متوازنة، ونساعدهم يتغلبوا على أي صعوبات بتواجههم.

الشغل اونلاين - تشتغلي وانت صغيرة